Schoulsportdag 2024
Ass een dëser Deeg op der Ourpromenade spadséiere gaang, konnt ee scho vu Wäitem Kanner gesi lafen, sprangen a kloteren. Koum ee méi no, konnt een a vill zefridden awer och motivéiert Gesiichter kucken.
De Schoulsportdag 2024 war nees en Erfolleg. E ganze Moien hunn d’Veiner Schoulkanner um Camping „Um Deich“ hiert Bescht ginn, konnte géintenee untrieden oder zesummen déi verschidde sportlech Erausfuerderunge meeschteren.
E grousse Merci dem Lasepsgrupp aus der Veiner Schull fir déi ganz Organisatioun.
Nom Schoulsportdag ass virum Schoulsportdag a mir freeën eis lo schonn op d’Editioun 2025.
