MUSEP-Concert an der Larei zu Veianen
Den 13. Juni 2026 huet an der Larei zu Veianen e flotte MUSEP-Concert stattfonnt. D’Manifestatioun gouf vun der MUSEP Veianen ënnert der Leedung vum Claudine Roettgers an dem Lisa Del Prete organiséiert, déi zesumme mat de Kanner fir e musikalesch gelongene Moie gesuergt hunn.
Nieft de Schülerinnen a Schüler vun der MUSEP Veianen waren och MUSEP-Gruppen vu Stroossen, Dikrech, Ettelbréck a Munneref op Besuch. Dës musikalesch Begéinung huet de Kanner d’Méiglechkeet ginn, sech ënnereneen auszetauschen an zesummen hir Freed un der Musek ze deelen.
Am Laf vum Moie konnten d’Zuschauer vill flott musikalesch Optrëtter erliewen. D’Kanner hu mat vill Begeeschterung a Freed gewisen, wat si am Laf vum Schouljoer geléiert hunn. Déi verschidde Gruppen hunn domat fir eng flott Atmosphär an eng gelongen Ofwiesslung gesuergt.
De Concert war e schéine Beweis dofir, wéi Musek Kanner zesummebrénge kann an hinnen d’Méiglechkeet gëtt, sech kreativ auszedrécken an gemeinsam Erfarungen ze sammelen.
E grousse Merci geet un d’Claudine Roettgers an d’Lisa Del Prete fir hiren Asaz, un all déi bedeelegt Kanner, un d’Elteren an natierlech un all déi Persounen, déi zum Gelénge vun dësem flotte musikalesche Moie bäigedroen hunn.
