Kolonie vum Cycle 2 an der Robbesscheier

Den 13. a 14. Juli huet de Cycle 2 zwee onvergiesslech Deeg an der Robbesscheier verbruecht. An dësem Natur- an Entdeckungszentrum konnten d’Kanner eng ganz Rei spannend Aktivitéiten erliewen, déi d’Natur, d’Zesummenaarbecht an d’Léieren op eng spilleresch Aart a Weis matenee verbannen.

Am Laf vun deenen zwee Deeg hunn d’Kanner mat vill Begeeschterung un de verschiddenen Aktivitéiten deelgeholl, zesumme gespillt, nei Erfarunge gesammelt a vill flott Momenter gedeelt. Nieft de pädagogeschen Aktivitéite koum och de Spaass net ze kuerz, an et gouf vill gelaacht.

E ganz besonneschen Highlight war d’Lagerfeier. A gemittlecher Atmosphär hu mir zesumme gesongen, Geschichten erzielt a Marshmallows iwwer dem Feier gebroden. Dës gemeinsam Momenter hunn de staarke Gruppenzesummenhalt nach weider gestäerkt a wäerte sécher nach laang a schéiner Erënnerung bleiwen.

Och d’Wieder konnt net besser sinn: vill Sonn, waarm Temperaturen an e bloen Himmel hunn dozou bäigedroen, datt dës zwee Deeg zu engem richtege Succès goufen.

Cycle 2