Den 12. Dezember huet um Lampertsbierg eng spannend Fecht-Veranstaltung vun der LASEP stattfonnt. D’Kanner aus de Cyclen 3 a 4 haten d’Méiglechkeet, d’Sportaart Fechten auszeprobéieren.

D’Fechtmasken an d’ Floretten goufen vum Cercle d’Escrime Lëtzebuerg zur Verfügung gestallt. Den Trainer huet déi technesch Säiten erkläert, an d’Kanner konnten och géinteneen untrieden. Besonnesch begeeschtert waren si vun den Dueller.

D’Evenement hat zum Zil, d’Kanner fir d’Fechten ze interesséieren an eventuell fir eng Participatioun beim Veräin ze motivéieren. Vill hunn no der Veranstaltung Interessi un dëser faszinéierender Sportaart gewisen.